Calendario escolar Galicia 2021/2022

 

A Orde do 19 de maio do 2021 pola que se aproba o calendario escolar en Galicia para o curso 2021/2022 nos centros sostidos con fondos públicos, establece o seguinte calendario escolar:

COMEZO E REMATE DO CURSO:

• Educación Infantil (2º ciclo), Educación Especial e Educación Primaria: Do 9 de setembro ao 22 de xuño, ambos incluídos.
• Educación Secundaria, Bacharelato, Formación Profesional: Do 15 de setembro ao 22 de xuño, ambos incluídos. 
• No 2º curso de bacharelato as clases rematarán de acordo coas datas previstas para a avaliación de bacharelato para o acceso á universidade (ABAU).
• Ensinanzas de Réxime Especial: Do 15 de setembro ó  30 de xuño, de acordo cos calendarios de probas de acceso e certificación.

COMEDORES ESCOLARES. 

Os comedores escolares funcionarán desde o día 9 de setembro ata o 22 de xuño.

PERÍODOS DE VACACIÓNS:

• Nadal: desde o día 22 de decembro ata o día 7 de xaneiro.
• Entroido: días 28 de febreiro, 1 e 2 de marzo.
• Semana Santa: desde o día 11 de marzo ó 18 de abril.

DÍAS NON LECTIVOS:

• Día do Ensino: 11 de outubro de 2021.
• Festivos locais, da Comunidade ou de ámbito estatal.  
• Dous días non lectivos propios do centro no caso de que os festivos locais non coincidan con días de clase.  (Solicitados 7 de decembro e 16 de maio)
  

PERÍODO DE ADAPTACIÓN DO ALUMNADO DE EDUCACIÓN INFANTIL:

O período de adaptación do alumnado de educación infantil que se incorpora por primeira vez ao centro non se prolongará máis alá do día 21 de setembro de 2021.

CONMEMORACIÓNS: 

Durante o curso escolar celebraranse, como mínimo, as seguintes conmemoracións:

– 20 de novembro de 2021: Día Universal da Infancia.
– 25 de novembro de 2021: Día Internacional contra a Violencia de Xénero.
– Do 30 de novembro ao 7 de decembro de 2020: conmemoración da Constitución e do Estatuto de autonomía de Galicia.
– 3 de decembro de 2021: Día Internacional das Persoas con Discapacidade.
– 10 de decembro de 2021: Día da Declaración Universal dos Dereitos Humanos.
– 24 de xaneiro de 2022: Día Internacional da Educación.
– 30 de xaneiro de 2022: Día Escolar da non Violencia e da Paz.
– 24 de febreiro de 2022: Día de Rosalía de Castro.
– 8 de marzo de 2022: Día Internacional da Muller.
– 15 de marzo de 2022: Día Mundial dos Dereitos do Consumidor.
– Do 7 ao 11 de marzo de 2022: Semana da Prensa. Un día desta semana traballarase na aula con xornais.
– 7 de abril de 2022: Día Mundial da Saúde.
– Entre o 18 e o 22 de abril de 2022: Semana do Libro.
– 2 de maio de 2022: Día Internacional contra o Acoso Escolar.
– 9 de maio de 2022: Día de Europa.
– Do 16 ao 20 de maio de 2022: Semana das Letras Galegas.
– 5 de xuño de 2022: Día Mundial do Medio Ambiente.