Clasificamos por cores

Hoxe vos propoñemos un xogo moi entretido para o que necesitaredes os seguintes materiais

● Rolos de cartón de diferentes lonxitudes (de papel de cociña e WC)

● Pintura de cores

● Pinceis

● Vasos de plástico

● Pompones de cores

● Cinta adhesiva / velcro

Como facelo

Pintamos os rolos de cartón (pode pintalos o/a neno/a) e deixamos que sequen. Colocámolos na parede con cinta adhesiva de dobre cara ou velcro e poñemos debaixo de cada un un vaso de plástico pegado á parede co mesmo sistema. O neno terá que introducir os  pompones de cada cor polo rolo da cor que corresponda.

Este tipo de actividade axudaralles a ampliar o seu razoamento lóxico que é a base do coñecemento e do pensamento matemático. Favorece a aprendizaxe para clasificar, seriar e ordenar e o desenvolvemento da memoria  secuencial.