A Cociñar!!!

A todos nos gusta moito cociñar e outra parte boa de estar estes días na casa é que podemos axudar na cociña. Ademais podemos traballar moitas cousas cociñando: 

Motricidade fina.

Coordinación  óculo-manual.

Afianzamento e posta en práctica de conceptos:

    Matemáticos (número-cantidade, máis, menos,…)

     Temporais (agora, antes, despois, o reloxo,…)

     Espaciais (dentro, fóra,…),…

Vocabulario: alimentos e cousas da cociña.

Expresión oral  (organización e  secuenciación).

Ademais vennos xenial para iso do traballo colaborativo e podedes  facelo coas vosas familias 

Como podemos facelo?

Pois collemos unha folla ou unha libreta e primeiro pensamos que receita queremos facer (empezamos por algo faciliño) pódedes buscar a receita na internet. 

1º Buscamos a receita 

2º Facemos unha lista de ingredientes (miramos que teñamos todo en casa) 

3º Escribimos os pasos da receita 

4º Cociñamos! 

Gustaríanos que apuntedes a receita na vosa libreta e se podedes facer un debuxo do prato mellor!

Xa me contaredes que tal vos saíu.